مظنش لوحدى اللى بعانى من الموضوع ده، حياة ذى الوجهين، الموضوع بالنسبه ليا مش مجرد انى مش قادر مثلا اقول للناس انى غيري . أو انى مثلا اعرف أهلى و أصحابي… او انى أقع فى حب( وده تقريبا مستحيل تانى) واحد .
المشكله اللى بواجهها… لما الكلام يتفتح على موضوع المثليه الجنسيه و الميول الجنسي، و اخد الكثير للموضوع بإستهزاء و سخرية، و مش هقول ايه اللى بيتقال اظن كلكم عارفين الكلام…
بتخنق بجد، ببقي عايز اقول للي بيتكلم انت بتتكلم على بشر زيك، ليهم حق فى الحياة بغض النظر عن مدى اختلافهم مع معتقدك او توجهاتك او ميولك،
القصه عملتها مره و اعترضت على واحد كان بيتريق على المثليين ، بغض النظر عن انى بقيت مسخة القاعده، اتهامات بقي “انت هتكفر” انت مش عارف ايه" ، حسيت بجد بعدم الأمان لو كملت كلام بالمنظر ده، ببقي مضطر أحضر جلسات زى ديه وأفضل ساكت دمى بيتحرق بس ،
أوسخ حاجه فى مصر أعدة الشباب بجد
أنا بس بتكلم على الموضوع ده لأنه خانقنى بجد…تخيل عايش وسط اصدقاء و عائلة كلهم رافضين موضوع المثليه الجنسيه و الميول الجنسية الأخرى اللى تختلف عن ميولهم، يعنى عشان الاقي وسط أرتاح فيه، مطلوب منى اسيب كل اصحابي و معارفي.
