بقيت اخاف من نظرات الناس

ثقافة ومجتمع
شخصي
#1

مش عارفة تفكيرى غلط ولا صح بس انا كل لما صاحب بنت وتبقى الانتيمة بتاعتى انا بحب اعميلها كل التعامل كا حببتى وصحبيتى واختى وكل حاجة ليا وممكن اعمل معاها اى حاجة المهم تبقى معايا انا وبس وبغير عليها من اى حاجة لدرجة انى ممكن اخضها فى حضنى واحتويها علشان بخاف لحد يخدها منى بس فى الاخر بتسبنى ونظرة صحابى ليا وحشة كانى انسانة قذرة لدرجة انى قررت انى مش هصاحب اى صحاب خالص وهعيش وحيدة علشان محدش يبص ليا نظرة وحشة مش عرفة ده عيب فيا ولا ايه بس انا شيفاه حاجة حلوة ونفسى لو فى يوم صحبت تانى صحبيتى تعملنى المعاملة اللى نفسى اننا نتعامل بيها ومش مهم الناس علشان زهقت من الناس بس طبعا علشان احنا فى مصر رائى الناس يبقى رقم ون بجد زهقت

#2

انتي بس اختاري شريكتك و اتقربي منها اكتر و خليها انتيمتك و اختك و صاحبتك و كل حاجه و حاولي تحببيها فيكي على قد ماتقدري
و بعدين بعد كده حاولي تجيبي معاها الموضوع بالتدريج مش مره واحده و هي اكيد هتتقبله و هتمارس معاكي بكل سعاده

#3

بس الموضوع عاوز وقت شويه

#4

مش اقصد ممارسة انا اقصد انى اللى بحبها اوى بحب اعملها بطريقة تانية انى ابقى ليها كل حاجة لدرجة انها لو طلبت انى امارس معاها معنديش مشكلة وهما بيخدوها بالفكرة دى انى عايزة امارس مع صحابى بيقولوى انتى بتعملى البنات بطريقة غريبة وناس كتير قلولى احنا شكين فيكى نفسى مرة اقولهم يعنى ايه شكين فيا يعنى انا مثلا مثلية طيب وانتو ملكو دى انا مش انتو علشان احنا عرب يعنى يبقى فى حدود بين الصحاب مثلا يعنى صحبيتى مينفعش يبقى بينا كلام حب او حاجة تانية تدل على الحب مش عرفة بس فعلا جهل

#5

عقليات ماتعرفش حاجه عن التحرر

#6

فعلاااا

#7

عزيزتى عندك جزء صح وجزء غلط الصح ان قلبك مليان حب وعشق لكن محروم
من هذا والغلط ان حبك انانى يعنى عوزة اول ماتشوفي وحدة بتبقي عوزة
تستأثرى بيها من غير ماتديها فرصة لكى تكتشف نفسها معاكى وعينك
بتفضحك بين اصحابك حاولى تتقلي شويه لغاية اما تجذبى احدهم
اليكى وتجدى فيها كل رغبتك من حب وعشق وممارسة
لكن انتى من شوقك مستعجلة شويه

#8

فعلا كلامك صح يا مرمر :kissing_heart:

#9

انا مقدر شعورك ده بس بلاش تنطوى على نفسك و تبقى وحيده ده مش حيفيدك بحاجه عيشى حياتك واتعرفى على اصحاب بس حاولى تكونى متزنه فى علاقاتك وابعدى عن الانانيه فى الصداقه اتعرفى على صديقه جديده ادى لصديقتك المجال انها تتطمن لك وتحس بمشاعرك الجميله يمكن ده يقربها منك وتكون حبك الحقيقى

#10

ميرسى يا فارس على كلامك انا مكنش اعرف انى انانية بس فعلا انا عرفت انى انانية فعلا مش بفكر هى عايزة تعرف ايه او عايزة منى ايه وفعلا مش بديها فرصة تعرفنى اوى بعمل اللى انا عيزاه وخلاص بجد ميرسى على كلامك وانشاء الله احسن من نفسى

#11

انا مش عايزه استعمل لفظ ( انانيه ) لان الواضح انك أنسانه عندها طاقه كبيره من الحب و لمن تحبي بتخلي اللي بتحبيه ملك متوج علي عرش قلبك و بالتالي بتتوقعي المعامله بالمثل ،، انا مقدره كم المشاعر الكبير اللي جواكي … و كمان لو سمحتيلي اقولك انك مفتقده للحب في حياتك ، مفتقده لانسان يحبك بحب يماثل حبك … ف النقص و الفراغ اللي حاسه بيه بخليكي لمن تلاقي بنت تحسي معاها بالراحه عايزاها تكون ملكك انتي وحدك و لو بمرادك تخبيها جوه قلبك خوفا عليها من كل الناس و خايفه تضيع منك او بالاصح خايفه علي نفسك ترجعي تشعري بالوحده من جديد …
عزيزتي روما انتي شخصيه جميله جدا حسيت بكده من كلامك فخليكي واثقه في نفسك و تاكدي ان اللي بحبك بجد بيكون عايز دايما يكون معاكي
و لكن يا صديقتي العصفور مهما كان جميل و رائع لو وضعناه في قفص بطير !
الحب ما هواش قيد نقيد بيه احبابنا …الحب مشاركه و احتواء و احساس متبادل …
حاولي تحتوي اللي بتحبيه بحبك و تفهمك من غير قيد و اتمنالك من قلبي تجدي مرادك مع حب حياتك قريبا جدا :smile:)

#12

الله الله على كلامك الرائع ياهانيبال بجد هزيتى وجدانى وحركتى مشاعرى
وانطلقت روحى الى الفضاء لكى ترى املى بين زحام البشروتأتى
اليا لنهتك سترحبنا بمشاعر واحاسيس فياضة وننهل من
عسل الحب بقدر ما نستطيع لان جوع الحب يأكل
من جسدنا دون ان ندرى

#13

hanibal ميرسى جدا على كلامك الرائع ده وانشاء الله اعمل بنصحتكو انشاء الله ميرسى على كلامكو يا احلى اصدقاء

#14

انا سعيد جدا بكلامك انك حتحاولى تغيرى من نفسك عشان تحسنى تواصلك مع صديقتك وانا اسف على وصفى بشعورك بالانانيه وشكرا لهانيبال كلامه

#15

لا ابدا مافيش اسف خالص وميرسى ليكو كلكو

#16

انا بتفق مع كلام هانيبال … باين انك انسانة نادرة وجميلة من الداخل … واكبد الشخص اللي بتحبيه محظوظ .ربنا يجمع بينكم على خير… واحساس انه بتغيري فاهمة … الشخص لما بيحب حد وبيقدرو بيبقى عايزه ليه لوحده… بيغير لو عامل التانيين بصورة ودية … الواحد بيبقى عايزه يعامله بنفس الطريقة …الناس للاسف بقت بتحكم با الطرق اللي عاحبهى وعايزة تعمﻻ من الحبة موضوغ . لا تلتفتي لكلام الناس ونظراتهم السطحية … لانهم ماجربوش يكونو غي وضعك. انا كمان كتير كان بيحصل معايا تذبذب كثير كان في بنات حبيتهم وغرت عليمهم .بس مش تقلقي هتلاقيكي مع الزمن انه امورك اتحسنت ووجدي شريكة حياتك اللي هتقدرك وتحبك

#17

yasmeen ميرسى ليكى كتير

#18

انانيه انانيه انانيه انانيه انانيه انانيه
انتى بتحبى لو زى ما بيأولو يبأى غيره الست انانيه
لا دا من كتر حبها ليه عايزاه ليها وبس ودا حقها
وانتى برضو طالما حبين بعض وحب من الطرفين يبقى انتى مش انانيه انتى بتغيرى عليها خايفا عليهاخايفا تضيع منك
ولو غير كدا من غير غيره يباى مش حب او ان الى ادامك دا ملاك

#19

وااو احساس جميل اوى بجد … انك تتمنى تتعاملى المعامله الجميله دى

#20

طبيعي جدا الناس هتبصلك بصه علي انك بنت مش مظبوطه او فيكي حاجه غلط عن كل الناس … بما اننا مجتمع جاهل جدا ومبيفهمش ومش عقلاني واهم حاجه انك ف مصــــــــــــر … حاولي ع قد متقدري تفرقي بين صحبتك وحبيبتك عشان هتتعبي نفسيا… لما تحبي صاحبتك بصلها انها اختك مينفعش تبصلها تماما (اختك من مامتك ينفع تحبيها ف نطاق حبيبتك !؟؟ ) اكيد مينفعش وخط احمر حطي ف دماغك حاجه زي كدا واكيد ف يوم هتلاقي البني ادمه اللي انتي بتفكري فيها … سيطري ع تعاملك مع اي حد تحبيه حطي حدود