حيرة

شخصي
#1

كانت اول علاقة امر بيها , وهو كان اول شاب احبه واعشقه استمرت سنين وفى الاخر حصلت ظروف وسبنا بعض لكن فى مشكلة
كنت معتمد عليه ماديا لانى مليش حد فى الدنيا دى غيره , بعد الانفصال دورت على شغل ملقتش والمشكلة انى لسه بادرس ودراستى صعبة محتاجة وقت تركيز ولو اشتغلت الشغل هيأثر على الدراسة اكيد …
هو كان متعود يحطلى مصروفى كل شهر فى حسابى وبعد الانفصال فضل يحولى مصروفى بنفس الطريقة بقالنا شهور على هذا الحال
المشكلة انى مش مرتاح ومدايق , يعنى المفروض اننا انفصلنا آخد منه فلوس باى صفه؟! والمشكلة التانية انى مش قادر ارفض لان ظروفى منيلة ولا لاقى شغل وحتى لو لقيت مش هيسد احتياجاتى

#2

موقفك صعب. ولكن كنت معاه لسنين فأصبحت جزء مهم من حياته … ممكن تتفاهم معاه بخصوص وضعك المادي. هل حاولت فتح الموضوع معه بكل صراحة؟ لو كان فعلاً يحبك حيخاف عليك ويساعدك وممكن إنت ترد المصاري في المستقبل. مجرد فكرة بس…

#3

اتكلم معاه ليه اذا هو مشتكاش , المشكلة نفسية عندى انا , معرفش انى اقبل ده صح ولا غلط ومتشكر ع تعليقك يا طعمية :smile:

#4

استاذ مجهول صحبك بيحبك والدليل انه متخلاش عنك في حكايه المصاريف
بس هو بيدى نفسه فرصة حتى يعود كما كان بس انت شد حيلك في الدراسة
حتى تعرف ان تعول نفسك ومتبقاش متطرلاحتياجك من اى حد وتصرفاتك
تكون نابعة من داخلك

#5

متشكر على ردك يا مرمر … لكن اعذؤينى مفهمتش السطر ده (بس هو بيدى نفسه فرصة حتى يعود كما كان)

#6

المقصود انك محبوب لديه ومش مسئلة مال انما انت ليك ظروف لازم تعديها
وهو يمكن في شئ بيشغله واكيد له عزره وهو بيدى لنفسه فرصة
لتقييم علاقته بيك ومتفكرش كتير في الموضوع ده انما فكر في
مستقبلك ودراستك لتضع رجلك على سلالم النجاح

#7

صديقك ده جميل جدا وشخصية رائعة, لازم تعرفه انك ممتن للى هو بيعمله, وان ده دين وهتسدهوله أول ماتخلص وتشتغل. وانت حاول تشتغل فى الأجازة وحاول تدور على شغل خفيف أثناء الدراسة عشان انت مش ضامن صديقك هيفضل هيعتلك فلوس لحد امتى.

#8

صديقك ده انت بتمثله حاجه كويسه فى حياته يا ريت تتواصل معاه تانى

#9

حاول ترجعله تانى ولو انت اللى غلطان خليه يسامحك ولو هو اللى غلطان سامحه لأنه أكيد لو مكنش لسه بيحبك وباقى عليك مكنتش هيحولك الفلوس تانى