الإنتحار ليس حلا كونى قوية تصالحى مع نفسك فليس على ظهرها مستراح سواء مثلى أو غيرى الحياة طبيعتها هى هكذا كل شوكة حقيقة وكل وردة خيال الحياة كلها متناقضات فنحن معشر المثليين همنا واحد ولا يشعر بمعاناة المثلى إلا المثلى مثله هذا قدرنا فعلينا تقبله بحلوه ومره لا تفكرى فى الإنتحار مرة أخرى وشيلى هذه الأفكار السوداوية من دماغك فالذى يجب أن ينتحر وينتحر جهله معه هو الهوموفوبى الحاقد الذى يحقد على كل مخالف … أتمنى لك السعادة ومستقبلا زاهرا …
تعبت نفسياً
Badry
#67
اختي زغلول …
الشعور بالذنب في حد ذاته هو ان ضميرك مازال ينبض بالحياة …
الهدف من حياتنا في هذه الدنيا ليست المتعة فقط ولكن هدف خلقنا هو العبادة وتعمير الارض بالخير …
تعمير الارض !! اي وجود ذرية صالحة خلفاء لنا في الارض حتى قيام الساعة .
وكيف يحدث هذا التعمير بدون رجل وانثى ومعاشرة جنسية صحيحة : بالبلدي كدة ازاي هيكون في خلفة بين ولد وولد او بين بنت وبنت .
هذا مخالف لهدف خلق الله الانسان …
ولما ربنا خلق ادم مخلقش له ادم اخر . خلقله حواء امرأة ولما ربنا امر سيدنا ادم عليه السلام بالتعمير وانجاب ذرية صالحة والانتشار في الارض ربنا قاله ايه ؟؟
كل ما تولد حواء هتولد ولد وبنت والولادة اللي بعديها ولد وبنت والولد ده هيتجوز البنت دي عشان يكون في تكاثر صحيح وسليم … ربنا مقالش حتى الولد والبنت من ولادة واحدة يتجوزوا … ربنا بيعلمنا الصح والسليم …
ارجو تفهم هذا الكلام … ولما يكون في مثليين في مجتمع اسلامي اكيد ده مش حرية ده شذوذ عن الدين والعقيدة الصحيحة … يا ريت نفكر في الجنة والنار ونقرأ كتاب الله .
اكيد هتلاقوا رد للي بتعملوه .
اسف على الاطالة 
Walid1431975
#69
صديقتي زغلول .
بجد انا حاسس بيكي وبكل كلمة كتبتيها وكمان عارف وحاسس بباقي الاحاسيس الي جواكي ومكتبتهاش علشان فعلا عديت بكل الي انتي بتمري بية دلوقتي واغلب الي هنا مرو بية بس بدرجات مختلفة .
انا جة علي وقت وكرهت نفسي وكرهت عيشتي وفكرت زيك في الانتحار وكل الي جة في بالك عدي علي . من الاخر هنصحك كام نصيحة واتمني ان النصايح دي تسعدك .
1- مش معني ان الانسان يعمل شئ غلط يبئي يخلي حياتو كلها غلط في غلط .
- بمعني لو انا مش قادر اقاوم الرغبة دي جويا ومش قادر امنع نفسي يبئي اقطع كل علاقتي بربنا لا مش صح . الحاجة الغلط ربنا هيكتبها وان شاء الله يغفرها والحاجة الصح برضو ربنا هيكتبها ومش هتضيع وهتخدي ثوابها فمتخليش ميزانك كلو سيئات حطي فية حسنات علي اد ما تقدري . وصدقيني بيجي وقت مع اجتهادك في تحصيل الحسنات ربنا كمان بيقرب ليكي وبيشدك واحدة واحدة بعيد عن الغلط .
- برضو حياتي مع الاسرة والمجتمع والاصدقاء مش معني اني بميل للنادي الاهلي يبئي اقطع كل علاقتي بكل الزملكوية والاسمعالوية مش صح لازم تفصلي بين رغباتك وبين حياتك الاجتماعية ولازم تحفظي علي كل علاقاتك مع الناس الي حوليكي وبيحبوكي علشان علي الاقل لا تسببي ليهم اي ضرر نفسي او مادي .
2- بلاش عذلة ومتقفليش الدنيا علي نفسك او علي مجموعة ذات افكار من نوع واحد - لازم تخطلتي بالناس وتشغلي وقتك وتسمعي افكار مختلفة علشان لو اعتمدتي علي صوت عقلق ونفسيتك فقط فعلا هتوصلي للانتحاروهتلاقي نفسك ديما وحيدة
- حولي تبعدي نفسك شوية عن الحجات الي بتزيد الرغبة عندك كل ما بعدتي عنها كل ما هتقل المؤثرات الخارجية الي بتثير هذه الرغبة وطبعا سعتها هيقل ضغوط عذاب الضمير علشان انت سعتها هتكوني بعيد عن الشئ الي بيعذب ضميرك
كبداية ممكن تخصصي لنفسك جدول يوم معين في الاسبوع او يومين بالاكثر هما دول الي همارس او هتابع فيهم حاجة من الحجات الي بتثير الرغبة دي عندي مش اكتر من كدة ( من الاخر وبالبلدي الميول دة ما هي الا تعبير عن رغبتنا الجنسية ومينفعش يكون كل حيتنا 24 ساعة في ال 24 ساعة مبنفكرش غير في حيتنا ورغبتنا الجنسية . في حجات كتير في حيتنا لازم نعملها اكل وشرب ورياضة وعلم وفن ودين وصدقات واجتماعيات حجات كتير اوي اعملي جدول ووزعي فية نشاطك متركزيش كل دنيتك حولين الرغبة فقط اخرجي من الدائرة الي انت حاطة نفسك فيها )
3- ازعلي علي نفسك انما متزعليش منها . لما هتزعلي عليها هتعرفي تقوميها انما لو زعلتي منها هتكرهيها وهتنتحري بجد
4- اوعي تكرهي اهلك والناس الي بيحبوكي او تبعدي عنهم علشان رغبة . اهلك واسرتك هما الي بيهونو عليكي دنيتك وحتي الله لا يقدر لو عرفو عنك اي حاجة وحشة عمرهم ما بيكرهوكي هما بيزعلو علشانك وبيبئو مش عارفين يعملو اية علشانك خليكي ديما قريبة منهم حتي في اسؤ الظروف والاحوال مفيش حد في الدنيا هيهمو مصلحتك وهيحاول يسعدك ادهم
اسف علي الاطالة .