انا بسبب قلت حيلتي و ياسي مع موضوع المثليه بفكر اجرب اروح لاشهر داكتره في مصر بيتكلموا في علاج الموضوع ده اللي هما هبه قطب او دكتور اوسم هل حد عنده تجربه او فكره عنهم؟؟ انا اصلا بقالي اربع سنين بتعالج من الاكتئاب و خايف اخد الخطوه مع حد فيهم و النتيجه تبقي عكسيه و اتعب نفسيا اكتر و انا والله ما ناقص و كمان انا سمعت ان الكشف عند هبه قطب اكتر من الف جنيه و ده كتير عليا حدا… انا بفكر في الموضوع ده بسبب ياسي و قلت حيلتي مش اكتر… و طبعا مش عارف اصارح او اخد راي حد اعرفه فقلت
.هنا اكتر مكان مناسب ممكن استفسر عن الموضوع د
ممكن حد يقولي رايه في داكتره علاج المثليه مثل هبه قطب او دكتور اوسم عشان انا ياست
depressed
#1
Unknown91
#2
وتتعالج ليه؟ خليك فخور بنفسك ايا كنت وكلنا معاك،، حاول تتقبل نفسك وتحبها انت مش وحدك وحتى لو المجتمع مابي حقوق للمثليين، كلنا منعاني نفس الشي بس مانستسلم للياس. يمكن لو تشوف طبيب نفسي او اخصائي نفسي يكون متفتح وتفضفض اله يكون افضل،، مافي شي اسمه علاج المثلية لانها مش مرض من الاساس.
depressed
#3
انا فعلا بتعالج نفسيا و الدكتور اللي بيعالجني بيقنعني اني اتقبل نفسي و ان المثليه مش مرض… انا اللي مش عارف اتقبل نفسي فعلا و شعور الخوف من المجتمع و نفره مني اذا حد عرف سري بيرعبني و الحمل اللي انا شايله فعلا بيتقل يوم عن يوم للاسف انا عايش في مصر بلد بتقمع الحريه و بتنبز الاقليات … انا لو ممكن اتغير هيكون بس ان نفسي اكون اسره و ان مفضلش عايش طول عمري وحيد لغاية ما اموت بس انا عارف اني اعيش حياه طبيعيه ده صعب… و طالما انا مثلي فعمري ما هحب و هتحب
Elpanda
#4
ما تقمعش نفسك ولا تكبتها… بس ابدا واحده واحده اندمج ف المجتمع وتقبله زي ماهو عشان يتقبلك … فيما يعرف بالشخصيه المرنه.
اعمل صداقات من الجنسين… و يكون لكل مقام مقال… من غير كشف هويتك ولا حاجه وتاقلم
دا اخر ما وصلت له بعد سنه من علاج الاكتئاب.
monaliza
#6
بعتقد إن دكتور وصفي مجرد مهاجم و ناقد مش أكثر ما بيعجبني و بحسه إنسان مهاجم فقط… أما دكتورة هبة معظم كلامها عن الحياة الجنسية بين الراجل والمرأة
المثلية ليست مرض… واذا كانت مرض ما كانت بقت في حماية من جمعيات و منظمات و دول سمحت بيها و دول صرحت لهم بالزواج…
الإنسان طبيب نفسه… إذا حضرتك حاسس إنه مرض و قررت تتعالج ف لازم تقتنع الأول إنه مرض ودة للأسف عمره ما هيحصل
hasouna
#7
شوف يا بدر انت لست وحدك وحالتك النفسية انت طبيبها ولا تجد طبيب في العالم يمكن ان يساعدك انت المساعد الاول لنفسك
اختلط بالناس ولا تظهر ميولك لاى حد وادينا هنا بنفرغ ما في صدورنا من اى احباط تقبل نفسك وانسي ميولك حتى تعيش
الحياه التى ترغبها وبراحتك اما النظر للقوانين مش هيعمله قانون خاص لينا عيش متفائل كما يعيش غيرك بتفائله الممتاذ
لاننا مش هنغير الدنيا وفى هنا في مصر اعداد ضخمة مثلك ولكن متعايشين في الواقع احيانا تجد نفسك قاعد مع شخصية
محترمة وذات نفوز ولا تعلم عنه شئ وهو في الاصل مثلى وله دنيته اللى عايشها تفائل يا اخى واخرج اليأس من جواك
لتفيد من حولك ببراعتك الانسانيه وتكون عضو فاعل في المجتمع ولك احترامى
gay58
#11
كل من يقول بأن المثلية الجنسية لها علاج فهو المريض وهو من يجب أن يبحث له عن علاج من من مرض الجهل والتخلف والأمية والهوموفوبيا حتى لو كان طبيبا فهو مبتز ومستغل … المثلية الجنسية ميول جنسى طبيعى وليس اختيارى هذا ما أثبتته دراسات طبية عديدة أبى من أبى وكره من كره …
Aldha2e3
#12
عرفني على حالة واحدة اتعالجت وقتها ممكن اقتنع و اقنعك نروح نتعالج كل الي بيعملوه الدكاترة دول انهم بيبيعو وهم بفلوس