رئي الناس العاديين في الناس المثليين

ثقافة ومجتمع

#1

اولا السلام عليكم …ان شاء الله يكون الجميع بالف خير يارب
بدي احكيلكم قصتي ثالث يوم بالعيد كنت رايح مع اهلي ع اقارب النا
المهم انفتحت قصة المثليين وكان في الجلسه رجال ونساء جالسين والله وكيلك كل شخص بلش يحكي اشي شكل وانا تجنبت الحوار في البداية حكيت خليني مخروس احسن الي لانه اذا حكيت اشي اكيد راح يهاجموني …المهم بلشو يحكو هدول همج وهدول شواذ ومن هل حكي يعني ما قصرو بنوووب جابو العيد بالحكي والشتيمه …بعد شوي كان في شخص ساكت ما حكى شي من اول القعده حكالهم خلصتو حكي وشتيمه حكوله اي خلصنا اتفضل احكي

حكالهم اول شي المثليه مش اختيار بختاره الانسان …طبعا لما حكى هيك بلشولك فيه …حكالهم اصبرو علي شوي بس خليني اعطيكم رئيي …

حكالهم ما حد في الدنيا بحب يكون شخص شاذ وبحب يكون غير عن الاخرين وحكالهم عن اشي علمي في الدماغ بكون في مشكله في جزء من الدماغ بينولد فيها الشخص هاي المشكله في الدماغ هيه يلي بتسبب انه يكون الشخص مثلي …المهم حكى حكي علمي كثير واعطاهم براهين من العلم ودلائل …

طبعا القاعدين بالقعده ما استوعبو وحاولوا يهاجمو المثلين بشكل اكبر وبلشو يحكو بالدين وانه حرام ومن هل حكي …وبلشو يحكو عن الجنه والنار …بس الله وكيلكم اخرسهم كلهم …مشاء الله يعني هوه الشخص كثير مثقف …حكالهم انتو يلي بتتفلسفو معكم مفاتيح الجنه والنار حكوله لا حكالهم طيب ع اي اساس بتحكو جنه ونار …طبعا همه سكتو وحاولو يهاجموه مره ثانيه وبلشو يحكو عن العقوبات في الاسلام …ورجم وقتل ومن هل حكي …حكالهم طيب ليش ما بتم تطبيق للعقوبات ع جميع الاشخاص في المجتمع ليش بس بتم تطبيقها ع الطبقة العادبه والمتوسطة بس الطبقه الغنيه ما بتم تنفيذ العقوبات عليها …حكوله لا هي اسعوديه بتطبق الاسلام ومش عارف ايش …حكالهم لا ما بتطبق لانه لو بتطبق كان فرضت عقوبة ع الامير السعودي يلي زنا مع المغنيه ريهانا في المسبح وانتشرت صور بتثبت انه زاني وانتشر كمان فديوهات …المهم اخرسهم كمان مره الكل انصدم وسكتو …طبعا الشخص صار بده يغادر وقام من القعده واستئذن وروح ع بيته …

بعد ما قام انا حسيت انهم راح يحكو عليه …همه حكو انه حكيه في اشي من المنطق وانه لازم يكون في حقوق للمثلين …يعني حسيت انه اقنعهم بحكيه …انا والله استغربت كيف
.اقنعهم …بس انه الشخص مشاء الله يعني مثقف وباثر بالناس بحكيه …اعجبتني شخصيته كثير والله تمنيت انه يكون مثلي


#2

انا بحييك و بالفعل انا اشعر بالسعاده لكلام هذا الرجل بما فيه من عقل و احترام