لحم قوس قزح

أهواء
هوموفوبيا
ثقافة ومجتمع

#1

جايز كنت تحسها، او تتخيل ازاي هتكون، كانت تعدى بخاطرك، ثم تطرد الفكرة وتتجاهل الاحساس، بتسرح فى حد مينفعش تسرح فيه، “اكيد ناس كتير محملة بأفكار غربية وبيتحركوا بكل عادية صح ؟” تجاهل طرمخ، انسي.
غض عينك وانت صاحي واقفل على قلبك، تنام، اصحي انت سربت وانت نايم ولاينفع تسأل الشيخ ان كنت مذنب ولا سقط عنك القلم
تقدر تتجاهل على اد ما تقدر لحد ما جسمك يعصف بيك، عينك شافت ومش هتبطل تشوف باقي الألوان بتكمل الطيف، زي حساسية استبدت بكل طرف فيك وكملت باقي صورتك فى المراية، لا تقدر تبص بعيد ولا بايدك تنزعهم عنك، الألوان مش فى المراية، الالوان فى عينك.

كدا اكتشفت ميولي، وكدا اغلب العرب في دول عربية اكتشفوا ميولهم، مهما عملت لاجل ما تكتم الأمر وتدفنه داخل نفسك، مفيش مفر من عصف جسمك بيك، زي ما تبقي مسحور

لذا ليه الاستغراب انه محتوى العرب اغلبه حديث عن الجسد والجنس؟
فى سياقات تانية/مجتمعات تانية؛ بيجيك معرفة الامر على مهل وبالتدرج ومبيفضلش غير التسمية يمكن، زي تعلم الحروف، ميم ياء واو لام، ميول، وباكتشفاك لنفسك بتكتشف فى نهايتها رغبة جسدك

أما هنا الآية مقلوبة
احنا فى لحمنا اكتر في جسدنا اكتر غرقانين فى ميتنا اكتر