حد بيحس بالذنب من ميولنا؟

شخصي

#1

ازيكم اولا انا ولد طول عمري كان نفسي اطلع بنت يعني كل يوم من وانا ٩ سنين يمكن اقعد ادعي الصبح اصحي الاقيني بنت ولحد دلوقتي واكتر طبعا وبحب موت البس حريمي واعمل حاجات بنات وكده شغل بيت وغيره، المهم اني كمان فتره كبيره ف حياتي فيها تدين ودايما بحس اني غلط بس مبقدرش ابطل الموضوع له لانه غصب جدا عني مفهوش اي تحكم خصوصا بعد ما حللت ف مره عشان الجواز والخلفه لقينا في نوعين هرمونات انوثه عالي جدا ملوش سبب ولا علاج بس برضو بحس اني بعمل غلط لما البس فساتين وغيره بس نفسي ملبسش غير كده، حد تاني بيحس كده كمان؟


#2

انت زي القمر ولازم تعمل الي نفسك عوزاه انت من كلامك بيقول انك شخصيه تحفه وتتحب :heart:


#3

بحس بنفس الشعور من ٥ سنين وعمري ١٨ وخايف


#4

من 9 سنين يارانيا ولسة متخطتيش الاحساس ده؟!

طبيعي تربيتك المتدينة بتحسسك بالذنب كل شوية صعب تطعني في ثوابت اتربينا عليها سنين وعمر كامل

بس 9 سنين مش وقت كافي؟
هتقعدي حبيسة للأحساس بالذنب من حاجة انتِ بنفسك قولتِ غصب عنك وملكيش دخل فيها!!


#5

لا انا من وانا عندي ٩ سنين بس هما اكتر من ٩ بكتير الوقت ملوش علاقه


#6

تمام، قريتها غلط بعتذرلك.
الوقت المفروض يصالحك علي نفسك ويخليكِ تتقبليها
يكشفلك مخاوفكِ ويأكدلك شكوكِ وإنها مرتبطة بطريقة تربيتنا في الاساس


#7

مرتبطه بالدين كمان مش بس التربيه الموضوع صعب