حاجة تجنن ياجدع!!
يحاول صديقى أن يطمئننى بأسلوب هادئ رقيق…كما لو كانت أنثى تهدهد رفيقها،أو محبوبها…
ويسألنى عدة أسئلة أهمها…إنت متضايق ليه؟؟،والسؤال التالى:هوه إنت لامؤاخذة جيبك فاضى؟؟ وكان على أن أجيب حتى لايفتح على الرابع ويمطرنى بأسئلة ستؤدى حتمآ لرفع الضغط عندى والذى يصل فى بعض ألأحيان إلى 240/110 ؟؟حد يزود؟؟ولا حد يشتريله 10 ولا 15؟؟
قلت بصوت متحشرج أصبح يلازمنى وذلك مايحدث متوازيآ مع الشيخوخة اللعينة التى لاتبقى ولاتذر:
ذهبت لأشترى من اللبن إثنين كيلو،وحيث أن كرتونة البيريل الكانز قد أفلست ،لأن البيه تاجر النصف جملة يخبئها فى المخزن 17 انتظارآ للتسعيرة الجديدة وإضافة القيمة المضافة؟؟ يالهوى هوه البيه الوزير أعلن أنه لامساس بالسلع الفذائية؟؟
يجيب صديقى…لألألأ ماتاخدش على الكلام ده…ده كلام زى كلام الليل مدهون بزبدة يطلع عليه الصبح يسيح!!
فاضطررت أن أشترى فرط كما كنا نشترى السيجارة ماركة LM فرط بقرشين صاغ لضيق ذات اليد…أيام الشباب البائس والدولة ألأشتراكية…وقد فوجئت بأن اللبن قد قفز سعره جنيه،والكانز نصف جنيه؟؟
ووجدت نفسى أسأل البائع بنبرة بها بعض الجليطة وقلة الذوق:
أظن الحاج رفع ألأسعار بسبب الضيفة الجديدة الست قيمة وسيما…القيمة المضافة؟؟
يجيبنى بكل أدب…وعلى فكرة هذا البائع يحمل بكالوريوس إعلام…من جامعة القاهرة:
لأ مش قيمة مضافة ولكن صدقنى أصبحنا نشترى كارت مدفوع مقدمآ للكهربا…بواقع 100 جنيه كل ثلاثة أيام للثلاجات،ومبرد اللبن وتلاجة العرض…وماخبيش عليك الحاج بيفكر يبيع تلاجة من التلاجتين اللى فى المحل!!
وهذه المشكلة بالنسبة للحاج لم تجد من مخرج لهذه الزنقة المهببه سوى رفع ألأسعار ؟؟
يخرب بيوتكوا،والبيوت إللى جمب بيوتكوأ،واحنا …هل زاد معاشى بنفس نسبة الزيادة العشوائية؟؟
طبعآ لا،ووجدت أن الحل الذى إستنبطته من بين حلول مرت على خاطرى…ألا لبن بعد اليوم،ولا كانز بيريل منذ اليوم…طبعآ بالأضافة لأن اللحمة فيها سيانيد وبتموت وأصبحت لاتزورنا ولا بنجيب سيرتها…وطبعآ الفراخ محقونة بالهرمونات وبتعمل فشل كلوى…وبلاها سوسو…بلاها نادية
وقلت لصاحبى تعرف ياد أنا وحشنى أكلة لحم الطاووس …آخر مرة أكلته كان على مائدة محمد…
ويسألنى صديقى محمد مين؟؟وأجيبه بذهول:
إنت ماتعرفش محمد؟؟ صاحبى أو اللى كان صاحبى لكن جاله تخلف عقلى وزعل على نفسه لغاية مامات…محمد رضا بهلوى إمبراطور بلاد فارس …وبنى خيبان
.بس خلاص خلصت الحدوتة
وحشنى أكله..كله أو نصه !
والله يا عم جورج حاجة تحير الطبقة المتوسطة تعبانة اوى فما بالك كيف تعيش طبقة الدنيا الفقيرة من خلال هذه الاسعار
اللى جالها سعار واتمنى يكون في رقابة من المسؤلين لظبط الاسعار ولكنهم نايمين في العسل اللى عجبه على كدة
واللى مش عجبه يعض في الارض
عزيزتى منار
فى ألأيام الخوالى كان فيه رئيس بيحكم بالحديد والنار،ورئيس وزراؤه كل قرارااته فى صالح الفقراء،حتى ولو تضرر من هم عايشين على وش ألأرض،وفى يوم قال رئيس الوزارة :ماتعمل يواد أسد وتاخد قرار برفع ألأسعار.وفى صباح اليوم التالى صحا الناس على خبر زيادة كيلو ألأرز بمبلغ خمسة مليمات (يعنى 1/200 من الجنيه اللى كان له شنة ورنة) وفى صباح اليوم التالى لرفع سعر ألأرز…صحا الناس على خبر آخر كان بالمانشيت العريض…إقالة رئيس الوزراء؟؟؟
يعنى خمس مليمات كانت السبب فى أن يجلس رئيس الوزراء والوزراء فى بيوتهم زى العوانس !!
ده كان زمان أما اليوم فرئيس الوزراء بعد اشتعال ألأسعار يخرج علينا بابتسامة صفراء ليقول…وستضرب الحكومة بيد من حديد على المتلاعبين بقوت الشعب؟؟؟ههههههه إبقى قابلنى على قهوة عم بشاى أعزمك على فنجال شاى؟؟
عزيزتى منار
فى ألأيام الخوالى كان فيه رئيس بيحكم بالحديد والنار،ورئيس وزراؤه كل قرارااته فى صالح الفقراء،حتى ولو تضرر من هم عايشين على وش ألأرض،وفى يوم قال رئيس الوزارة :ماتعمل يواد أسد وتاخد قرار برفع ألأسعار.وفى صباح اليوم التالى صحا الناس على خبر زيادة كيلو ألأرز بمبلغ خمسة مليمات (يعنى 1/200 من الجنيه اللى كان له شنة ورنة) وفى صباح اليوم التالى لرفع سعر ألأرز…صحا الناس على خبر آخر كان بالمانشيت العريض…إقالة رئيس الوزراء؟؟؟
يعنى خمس مليمات كانت السبب فى أن يجلس رئيس الوزراء والوزراء فى بيوتهم زى العوانس !!
ده كان زمان أما اليوم فرئيس الوزراء بعد اشتعال ألأسعار يخرج علينا بابتسامة صفراء ليقول…وستضرب الحكومة بيد من حديد على المتلاعبين بقوت الشعب؟؟؟ههههههه إبقى قابلنى على قهوة عم بشاى أعزمك على فنجال شاى؟؟
ياعم جورج لو شاى عم بشاى ينسينا الاسعارالمسعورة يبقي نشرب شاى عم بشاى بس انا عوزة نسكافيه لو عنده
بس مايكونش بخيل ويحطلى 5 معالق سكر ياسكرانت
العزيزة وألأثيرة منار العسولة:حدث بالفعل هذا اليوم:كنت باعمل الأسبور اليومى بالخطوة السريعة،وتذكرت شوية حاجات
عاوز أشتريها،دخلت أولاد رجب وعند الكاشير وجدت مادموازيل…بصت فى خلقتى وقالتلى " إللى يشوفك ياعمو يقول عليك خواجة،وشك أحمر دم خالص"…قولتلها أمال لو شفتينى من 70 سنة فاتوا؟؟…قالتلى كنت هاجرى وراك ومش هاسيبك…قلتلها فى الحالة دى هاروح القسم وأقدم فيكى بلاغ وأقول المادموازيل عاوزة تغتصبنى…!!!
ذكرتنى بوش والدى وشكله الانجليزى كما يقولون عليه الانجليزى ابو وش احمر وعيون ملونه وشعرذهبى
الف رحمة ويجعله الله في فسيح جناته