المشكله فين؟

دين
هوموفوبيا

#1

شباب
ححكلم حاجه غريبه شويه
كنت من كام يوم مع مجموعه من صحابى قاعدين فكافيه، بالصدفه بقولهم انى كنت سافرت اطاليا و كان من كام شهر موضوع تقنين المثليه بيتناقش هناك عشان تشريع القوانين فالموضوع ده. المهم كان رد صحابى طبعا اعتراض على الفكره على الرغم ان فى كتير منهم بيناموا مع بنات. فكان ردى عليهم ان اشمعنا قبلتوا فكره الزنا مع انها برده محرمه ومش قبلين فكره المثليه، وكان فكرتهم كلها ان الطبيعى ان الراجل و الست بينجزبوا لبعض انما المثليه مش مقبوله
بصراحه حسيت انوا تفكرهم مشوش اوى
انتوا ايه رائيكم


#2

مش مشوش بس انما هى عقليات متخلفة


#3

اوك بس انا بستغرب بجد على اختلاف العقليات ده, ده حب و ده بردو حب. دا كمان يمكن المثليه فيها حب اكتر منو شهوه


#4

يا عزيزى الشهوة نار بتاكل في جسد المشتهى وبتبقي رائعة في اطار الحب واحترام الاحاسيس


#5

مافيش نار احلى من نار الشهوه ، انه اجمل احساس فالدنيا


#6

هو بجد احساس رائع لما تحصل على شهوتك من اللى بتحبه ويحبك ويجعل دنيتك ورديه ومبهجة


#7

فين بقيت الاعضاء ، ليه محدش متفاعل مع المواضيع من كذا يوم؟


#8

انا جديدة واعجبت بالحوارات واسلوب التعليقات واحترام الكل للكل


#9

اهلن بيكى منوره
ايه رائيك بقى فالكلام الى بتكلم فيه و ايه وجهت نظرك؟


#10

وجهة نظرى ان احنا في منطقة نائيه نغنى ونرد على بعض حتى بنسمع صدى صوتنا


#11

عندك حق، بس احلى حاجه ان المكان ده متنفس لينا نسمع فيه بعض


#12

هههههههه صحيح و الله … هم الزنا عندهم حلال لكن المثلية حرام و شذوذ ! ناس عقلها مو براسها !


#13

ده ناتج تن اختلاف المعايير في التفكير و التربيه انا دائما يراودني هذا التساؤل و دائما اشفق علي هذه العقليات الجاهله


#14

الزنا اكيد حرام وده شيء مفروغ منه …
ولكن المثلية ده خروج عن طبيعة وهدف خلقنا في الدنيا …
ربنا قال في كتابه :: المال والبنون زينة الحياة الدنيا :: يعني المال والاولاد متعة الحياة …
طيب ازاي يكون في اولاد والمعاشرة بتكون بين نفس الجنس …
وبعدين … الهدف من حياتنا في هذه الدنيا ليست المتعة فقط ولكن هدف خلقنا هو العبادة وتعمير الارض بالخير …
تعمير الارض !! اي وجود ذرية صالحة خلفاء لنا في الارض حتى قيام الساعة .
وكيف يحدث هذا التعمير بدون رجل وانثى ومعاشرة جنسية صحيحة : بالبلدي كدة ازاي هيكون في خلفة بين ولد وولد او بين بنت وبنت .
هذا مخالف لهدف خلق الله الانسان …
ولما ربنا خلق ادم مخلقش له ادم اخر . خلقله حواء امرأة ولما ربنا امر سيدنا ادم عليه السلام بالتعمير وانجاب ذرية صالحة والانتشار في الارض ربنا قاله ايه ؟؟
كل ما تولد حواء هتولد ولد وبنت والولادة اللي بعديها ولد وبنت والولد ده هيتجوز البنت دي عشان يكون في تكاثر صحيح وسليم … ربنا مقالش حتى الولد والبنت من ولادة واحدة يتجوزوا … ربنا بيعلمنا الصح والسليم …
ارجو تفهم هذا الكلام … ولما يكون في مثليين في مجتمع اسلامي اكيد ده مش حرية ده شذوذ عن الدين والعقيدة الصحيحة … يا ريت نفكر في الجنة والنار ونقرأ كتاب الله .
اكيد هتلاقوا رد للي بتعملوه .


#15

الموضوع اعمق من كدة :

  • الناس الطبيعية لما بتكلمهم في الزنا او المثلية هتلقية رافض تقنين الاتنين سواء الزنا او المثلية حتي لو كان هو بيزني في اليوم الواحد 1000 مرة . هو عارف ومعترف بإن الي بيعملو دة خطأ وبيتمني من ربنا ان يجي يوم ويتوب علية من هذا الوضع انما المثلي لا يري ان موضوع المثلية خطأ اصلا وهنا يكمن الاختلاف الجوهري .
  • العتاب علي مجتمعنا العربي هو انة لا يتقبل الغير بمعني انة من الممكن ان يكون بيفعل شئ خطأ مثل الزنا ولكنة يكرة من يفعل خطأ اخر مثل المثلية او مثل السرقة او او . الفكرة اننا جميعا مخطئون ويجب ان نتقبل اخطأ بعضنا البعض ونتجتهد علي تصحيح اخطأ بعض

#16

الناس بتكره كل ما هو غريب عنهم و ده بيبقي سبب الهوموفوبيا و العنصريه الدينيه او الجنسيه