اللاجنسية الرمادية

شخصي
جنسانية
#1

أهلا بالجميع :heart:
كوني شخص لاجنسي رمادي كان دايما سبب تشوش عندي لأني كنت بستغرب عدم ميلي الجنسي لأي حد تماما أو الشعور بأي رغبة تجاه أي شخصية وفي المقابل أثناء وجودي في علاقة عاطفية بمشاعر حقيقية مع شخصية محددة كنت بلاحظ بأن رغبتي في وجود تشارك جنسي مع الشخصية ديه بيبقى موجود
والأغرب ليا أنه كان دايما في إمتاعي الذاتي بكتشف أن عندي رغبة مفرطة ومقدرتش استوعب ده إلا بعد اكتشافي لكوني رمادي لاجنسي Demisexual ولا أميل جنسيا لأي شخصية إلا بعد تكون رابط شعوري وعاطفي معاها

للأسف المشكلة اللي لسه بتواجهني أن الأشخاص إما مبتستوعبش ده وبيعتقدوا أن ده طبيعة عامة في الكل نتيجة عدم المعرفة الكاملة باللاجنسية أو حتى في أشخاص بيبحثوا عن العلاقة العابرة وده بيفشل دايما معايا لأني مبلحقش اكون الرابط العاطفي ده اللي يسمح بحدوث رغبة

غير أن حتى طبيعة العلاقة بالنسبة ليا هي بتدور اكتر حولين المشاعر وأن كل فعل يبقى مدفوع بإحساس قوي وإلا ما بيبقاش في حماس أو شغف للعلاقة

معرفش في حد هنا ممكن يبقى نفس نوعي أو لأ، أتمنى اعرف اكتشفتوا نفسكم ازاي وتعاملتوا مع الأمر ازاي وقدرتوا تلاقوا شركاء مناسبين؟ وأتمنى لو أقدر الأقي شريكة مناسبة هنا نكون بنمتلك نفس الميل ونقدر ناخد خطواتنا ديه بهدوء مع بعضنا :heart:
ولو حد عنده أسئلة أكيد هكون سعيد بالإجابة والتشارك عن ميولي وعن أي تفاصيل ممكن تحبوا تعرفوها مني :heart:

#2

ياااه اخيرا حد لاجنسي ظهر هنا

#3

وأنا كمان سعيد جدا، بعد ما كان مفيش أي رد افتكرت أني الوحيد هنا :’)

#4

وهو فعلا كده احنا الوحيدين هنا
ما اظنش فيه حد تاني بنفس الميول

#5

أنا مشوفتش حد بيتكلم عن اللاجنسية بشكل عام هنا فأنا فقدت الأمل أن يكون يكون في حد لاجنسي رمادي أو نصف جنسي حتى هنا وتقريبا فرص أني كنت أقابل حد لاجنسي هنا أقرب للنادرة

#6

انا كذا مرة والله اكتب بوست عن اللاجنسية ومايتقبلش
كويس ان البوست بتاعك اتقبل
وكنت فقدت الامل ان ممكن اصادف حد لاجنسي خالص
بس دلوقتي حاجة حلوة بقى فيه امل
وفرصة سعيدة بيك نورتنا

#7

أنا أسعد حقيقي، وأكيد هكون سعيد اكتر بصداقتنا إذا حبيتي وأتمنى يكون عندنا مساحة نقاشات أكتر ونعرف بعضنا وتكون مساحة لطيفة لمشاركة أفكارنا المشتركة… :heart:

#8

بالفعل مجتمعنا ليا يحتاجله الكثير حتى يفهم حاله

وللأسف مجتمع الميم محصور -بنظرهم- بين المثلي والمثلية والثنائي

واقع مرير