أهلاً مجتمع أهواء. أنا حسام ٢١ سنة، طالب وفي نفس الوقت بشتغل. أنا كنت أعرف أهواء من فترة بس دي تقريباً أول مشاركة ليا؛ عشان الفترة دي حاسس بالخنقة والوحدة بشكل كبير ومش لاقي أي منفذ اتكلم فيه عشان أنا مثلي، جربت استعمل Grindr أو Tinder بس يعني مفيش حد موجود عشان يسمع حد هناك أو يعني يتعرف على حد فعلاً. أنا بس مشكلتي إني حاسس بالوحدة، أنا تقريباً حالياً معرفش أي حد مثلي ومفيش أي حد قريب بشكل من الأشكال، أنا اتعرفت على كذه حد قبل كده في اللي نمنا مع بعض وفي لأ، وكان في أكيد ناس كويسة، بس عمر ما كان في واحدة منهم كملت أو بقت حاجة كبيرة يعني، أقصى حاجة ممكن اعرف بس حد لشهر كصحاب كده وبعدين كأن مفيش حاجة. أنا مشكلتي الأيام دي إني حاسس بالوحدة اكتر من أي وقت تاني. ساعات بيبقى الواحد نفسه ساعات لو كان في حد قريب منه بشكل مختلف شوية مش زي أصحابي العاديين مثلاً. الفكرة برضه إني مش فاتح الباب للعلاقات الجنسية أوي، وده بسبب تجارب مش شايف أنها كانت أحسن حاجة بالنسبة لي، فأنا فعلاً مهتم أكتر بأني أعرف حد فعلاً بعيداً عن الجنس معاه (ودي حاجة في حد ذاتها معنديش فيها مشكلة بس ناقصها شوية مشاعر وثقة من ناحيتي للشخص التاني). مع زحمة حياتي كمان وكل الحاجات اللي فيها برضه مش حاسس إني قادر اتنفس أوي وكان نفسي أكتر لو كان في حد موجود معايا. ممكن عشان أنا مش من سكان القاهرة الكبرى ففعلا مش بقابل مثليين كتير، أنا فعلاً في ناس حواليا كتير بس الغالبية العظمى بس مهتمين إنهم يناموا معايا وأنا مش عايز ده… أنا فعلاً كنت محتاج افضفض مع حد بالذات إني باخد وقت عقبال ما أثق في حد واتكلم معاه. شكراً للناس اللي اهتمت تقرى ال topic ده، ولو في ناس تانية عندها تجارب مشابهة فأنا هبقى مبسوط بمشاركتكم معايا ومعانا.
المثلية والوحدة
Hoooda
#2
انا حاسس بيك ياحسام ، انت مش لوحدك في نفس الحتة الوحدة دي ، انا زيك في مسألة انك مش لازم تعرف ناس بس عشان تعمل معاهم علاقات جنسية بس ، انا متفهم جدا احتياجات اللي بتتكلم فيها عشان انا مرريت بيه قبل كده ، وخليك زي مانت قوي متستسلمش لاي حد عشان خاطر يعرفك ، اللي حابب يعرفك انت يعرفك ويقبلك زي مانت.
