نفسي اخلف طفل وهل الزوجه المثليه هيا الحل الأمثل ؟

علاقات

#1

لوحدي من وانا عندي 17 سنه كنت مستقل بنفسي ومن اسره ميسوره مكنتش اعرف حاجة عن ميولي كنت منطلق وبشق طريقي خطبت في سن 21 ولما انفصلت عرفت ان عندي ميول جنسيه مثليه ومن ساعتها قررت اني مستحيل اتجوز وادمر حياة بنت عشان ارضي اهلي او المجتمع والحمدلله قدرت اقاوم كل ده لدرجة ان مبقاش يشكل اي ضغط عليا وتعدي السنين واكتشف ان محتاج اتجوز عشان اخلف حلم حياتي يبقى عندي طفل مني ودخلت في حالة صراع مابين مبادئي والحاجة اللي بتمناها وكل ما تعدي سنه واكبر الاقي نفسي محتاج ده اكتر محتاج اسره محتاج طفل محتاج شغف اعيش عشانه محتاج واحده تبقى ليا اهل وصديقه انا عندي حاليا 33 سنه حاسس اني بكبر والعمر بيعدي والوحده بتاكلني من جوه فكرت اتنازل واتجوز واخدع واكدب بس لاخر لحظه وقفت وقلت لا اللي مَش هرضاه على نفسي مَش هرضاه على غيري فكرت في اني اتعرف على مثليه نكمل بعض بس حقيقي معرفش لو دي حاجة صح او غلط خايف اكون مهووس بحكاية الطفل وبوهم نفسي بشكل اجتماعي حقيقي مَش عارف بس جوايا حرب كبيره ولخبطة انا اشتغلت على نفسي كتير انسانيا وعمليا وعلميا ومش شخص وحش بس الصراع ده بقى بيفقدني توازني اوقات كتيره حاسس ان الاسره والطفل شغف بحلم بيهم طول ما هم مَش موجودين حياتي ناقصه …

انا اسف طولت عليكم دي اول مره اكتب حاجة زي كده واول مره ادخل الموقع واول مره ابقى محتاج اسمع رأي ناس لا تعرفني ولا اعرفها بدون خوف


#2

حاولت تهاجر وتروح مكان متقبل ميولك؟


#3

بس انا مش عايز اهاجر … مش كاتب في المشكله اني عايز اتصالح مع مثليتي عشان انا حابب نفسي ومتقبلها انا نفسي بطفل هو ده الموضوع …