في البطاقة انثي لكن في الطبيعة انا ماليش اي علاقة باللي بنات جنسي بتعملو، الموضوع بدء لما كنت طفلة 11 سنه كنت بحب العب مصارعه مع الولاد وكنت جريئة ومش بخاف ولا بتكسف بس اهلي روضوني من الاخر والمجتمع كمل عليا لكن لازلت حسة اني مش عايزة اتلقب كامصطلح بنت ولا مصطلح ولد مش عايزة اتصنف تحت اي جنس بس في نفس الوقت انا انجذابي بيكون للبنات ولكن مش بحب اروح اعمل حجات البنات ولا احط مكياج ولا مانيكير ولا اعمل شعري عند الكوافير
دا اثر في نظرة المجتمع ليا وبقى صحابي يبعدو عني ويقولو انتي مش مهتمه بنفسك ليك وسايبة شعر وشك كدا لية وشعر دراعاتك كدا لية وانا بكون فرحانه بشعر دراعاتي ووشي ومش عايزة اشيلو
اخر مرة اشتريت لبس رجالي كان واسع عليا للاسف وحسيت بنفسي فية وقصيت شعري وكان شعري قصير زي شعر الذكور بس اتكسفت انزل فالشارع كدا لبست كاب وحضرت انترفيو عمل وماتقبلتش لان لبسي غير لائق وكذا مرة اعمل انترفيو مالقيش شغل
مرة اللي يقول لبسي غير لائق
ومرة السكرتيرة تاخدني علي جنب وتنصحني وتقولي انتي زي اختي بس دي نصيحة لوجة الله ياريت لما تحضري انترفيو تلبسي هيلز (كعب عالي) وتحطي مكياج وياريت تعملي شعرك عند الكوافير
ومرة تانيه اترفض والسبب انهم عايزين بنات ولازم يكونو واجهه الشركة
انا مش عارفة هل انا بنت ولا ولد ولا جنسي اي بالضبط انا اتغلبطت حتي انا مش بحب حد يصنفني كا بنت او ولد ومش بحب بروز جسمي الانثوي زي الفخد والصدر بس في نفس الوقت متقبلة جسمي وبتخيل نفسي كتير عندي عضلات ونفسي اتصرف بحرية واشتغل عادي بس بترفض بسبب عدم لياقتي الانثوية وعدم تحدثي بطريقة البنات وعدم قبولي للتصنيفات الذكرية او الانثوية
مش بتكلم زي البنات وبتكلم عادي بدون خجل ولا كسوف للاسف اهلي بيعتبرو دي قلة ادب وانا بعتبرها حرية
للاسف بواجه ضغط كبير وتعبت من التمثيل ومش فاهمه انا مين؟ ياريت لو انسان بيمر بالتجربة دي يقولي انا اية؟