الختان و لما يقوم به البعض في بناته ؟

ثقافة ومجتمع
#1

ارجو الافاده و الاستفاده من زمان نفسي اعرف ليه بيقوم بعض الاهل بختان بناته و ايه الفكره من كده
و ايه الفرق بين البنت اللي معمول لها ختان و اللي مش مختونه في العلاقه الجنسيه و ايهما افضل في الفراش … ؟؟

#2

الختان شئ ضرورى وسيبك من افكار الغرب في ذلك اقول ذلك بصفتى مختونة والختان نظافة لكى لا تسكن الفطريات في البظر
مهما كانت النظافة واى التهابات مع المختونة اسهل في علاجها من الغير مختونة

#3

المشكله فى طريقة الختان يا مرمر… فيه ختان بيتم ازالة قلفة البظر و البظر و الشفتان … بيشيل الاعضاء الخارحيه كلها… و فيه ختان بيشيل البظر نفسه … الانواع ديع من الختان هى اللى قاتله للرغبه بجد و لها اضرار كمان . فيه نوع اخر من الختان وهو ازالة جزء من قلفة البظر دون المساس بالبظر ذاته او الشفتان . ده فى حالة اتصال قلفة البظر بالشفتان .فازالة الجزء ده بيساعد على عملية التنظيف.و بيظهر جزء بيكون مخفي من البظر … لكن للاسف ده ما بيحصلش… لان فى الاصل بعض الناس فكرها عن ختان الاناث هو لتقليل شهوتهم الجنسيه و ليس للنظافه (اللى ليها حلول كتيره يعنى احنا فى عام 2014) فيشيلوا البظر كله … غير ان عملية الختان بتتعمل للبنات و هما اطفال… اعضائهم التاناسليه ما بتكنش اكتمل نموها ، واى تشوه فيها دائم … الختان لفتره كانت سامحه بيه منظمة الصحة العالمية ( الختان اللى بيتشال فيه جزء فقط من قلفة البظر ولا يمس اى اعضاء تناسليه اخرى مثل البظرو الشفتان ) ، لكن بعد ما الاحصائيات اظهرت ان قليل جدا اللى بيقوم بعملية الختان بهذه الطريقه، و ان الاغلبيه العظمى بيستأصلوا البظر او الشفتان او كليهما( وزى ما قلت ده بيقلل ان مكنش بيقتل حس الاثاره و الشهوه لدى الانثى وله اضرار صحيه جسيمه نتيجة انه فى الغالب بيتعمل باداوت بدائية و الجرح الناتج عن العمليه بيتلوث و بيسبب لاحقا اضرار على فتحة المهبل و و بيعرض صاحبته للتسم من دماء الحيض و بيواجهوا صعوبات فى الولاده ) فقررت انها تقف ضده و تعتبره فعل فيه انتهاك للانسان …

#4

معاك يا هيما بس المفروض انها تتعمل على ايد طبيب بيبقي عارف بيعمل ايه مش كل من هب ودب يعملها

#5

و لكن أنتم تنسوا أن الختان ليس للنظافة و لا خوفاً على صحة الفتاة, بل هو مجرد طقس حقير من طقوس المجتمع الذكوري الذي نعيش فيه, يتم بغير رضى و من دون استشارة, للقضاء على أي شهوة جنسية يمكن للمرأة أن تحس بها في المستقبل. و هذه الممارسة منطلقة من معاملة الفتيات من عمر صغير جداً على أنهن كائنات يجب فقط أن يكن محط شهوة الرجال, و لا تنطلق شهوة منهن, لأن ذلك يعني أنهم “فلتانين”.

يفاجئني الحقيقة أنك يا مرمر مع هذا الطقس البشع المتأصل في كره النساء و الحقد عليهن.

#6

الختان ليس له أي علاقة بالنظافة سواء للذكور أو للإناث،بل بلعكس،فهو يعرض العضو التناسلي لأمراض أكثر .
و هو أكثر خطور على الإناث و له أكثر من طريقة على حسب الموقع الجيوغرافي و التقاليد.
لاهيك عن أثاره النفسية الجسيمة و العضوية و الفسيلوجية …أستغرب رأيك يا مرمر…

#7

اعتقد ان كلام مرمر نابع من التجربة التى مرت بها ومن هنا لا وجه للاستغراب يا عزيزتى بالكوكابو

#8

غير واضح انه نابع من تجربة خاصة بيها يا حسونة،مش منطقي أبدا حد يوافق على قطع جزء من جسده عشان “نظافة”،يعني ايه نظافة،ايه االلي بينظف بالضبط و لا هوا اي كلام وخلاص!
قول الذكور عندهم أعضاء جنسية ذات تركيب مختلف و “حجم” مختلف،الإناث عندها اه عشان يبقى نظيف ولا مش نظيف و إزاي؟
أنا كمان عندي تجربة شخصية بتقول ان الموضوع دا بيحصل عشان المجتمع عايز يبتر رغبة المرأة الجنسية و يقهرها…
الست اللي بيتم بتر أعضاءها التناسلية بتعاني من مشاكل جنسية لا حصر لها.
خلينا نفوق و نوعى لنفسنا بقى!

#9

اعتقد ان كلام مرمر مقنع جدا وان كنت غير متأكد من صحته
لأنه نابع من تجربه شخصيه ناجحه و المبرر انها قالت للنظافه ويكون تحت اشراف طبيب مختص فاهم عمله
هو ده الرأي المثالي اللي اقتنعت بيه
و بشكركم جميعا للأفاده :smile:
وايا كان الاختلاف في الرأي لازم نحترم رأي بعض

#10

يا بالكو. لو رجعنا لأصل عادة الختان فهي راجعه لديانتين … ديانة الاسلام…في بيئه تشح فيها المياه عملية النظافة الشخصية كانت بتبقي صعبه ( بنتكلم من 1400 سنه فاتت مش 2014 زي ما قلت) فأصل العادة جت من هنا لو بنتكلم على الاسلام… وزى ما وضحت “خفاض السنه للإناث " بيشيل جزء بسيط من قلفة البظر لو مغطيه بزياده اوى وتلاقي مع الشفرتان - انا بشرح توصيف بيولوجي مش قصدي اقول كلام جارح- بشكل يأثر على عملية التبول ويخلي النظافة محتاجه مياه زياده ( ارجع اقول 1400 سنه فاتت فى بيئة صحراوية اغلى ما فيها الماء- الماء مش رفاهية يعنى-) ، وده نفس سبب الختان للذكور على فكره ، وبشكل عام، الختان اصله لا يتم الا بعد سن البلوغ ، للجنسين ، لأنه لو فرض ، فأي فرض بيوجب بعد البلوغ…
في الديانة اليهودية- ولو انى مش متأكد من مدى صحة تلك المعلومة ، لكن قريتها في كذا مكان- الختان كان بيتم بقصد فعلا تقليل الشهوة الجنسية للجنسين ( جدير بالذكر ان ختان الذكور بيشيل جزء من نسيج حساس - مشابه للنسيج الموجود بمقدمة القضيب من الامام بين نهايتي حشفة القضيب- ) لان زي ما قلت ان الاستمتاع الجنسي او الشهوة الجنسية الزيادة في الديانة اليهودية تعتبر اثم ( مش منطقي عشان كده بقول مش متأكد من المعلومة)…
اللي فات ده اصل الختان دينيا زي ما قريت
اما بقي الجزارة اللي بتحصل للإناث عن طريق باقي انواع الختان، ملهاش غرض فعلا الا تقليل شهوتها الجنسية عشان “” الشرف”" ، العادة ناتجه عن مجتمعات ذكورية متخلفه ، طبعا افظع انواع الختان هو الختان الفرعونى ، ده يستأصل بشكل كامل الاعضاء الخارجية لجهاز الأنثى التناسلي ، وده زي اعتقد ملوش اى علاقه بنظافة شخصيه هنا… طبعا لو كملنا وذكرنا انها بتتم بأدوات بدائية و مفيش أي وعى صحى، هنبص على حجم الكارثة بجد
بشكل عام زي ما شرحت قبل كده هي عادة ارتبطت بظروف مجتمع و بنكرها بكل تخلف حتى مع تغير ظروف المجتمع ده، وان اصلها في الدين تحقق النظافة و الطهارة، فأظن لو تحقق شرط الطهارة دون استئصال هيكون الغرض اتأدى… و حتى لو وجب فعلها فهي مش الجزارة اللي بتحصل للإناث …
وفوق كل ده … بتحصل بالإجبار …مش بالاختيار. ودون وعى و فهم للي بتحصل له… لان المجتمع بينفذها فى الاطفال … وده يعتبر عنف ضد الاطفال وانتهاك لخصوصية اجسادهم.
ببساطة اللي مقتنع\ة بيها ممكن ت\يعملها لما ت\يكبر و ت\يعى هو\ى مقبل\ة على ايه… حتى تكون الاجهزة التناسلية اكتمل نموها و العملية هتاخد حيز امان اكتر
(((ملحوظة برده على الماشي، عملية الختان – اللي هي ازالة جزء من قلفة البظر-ليها اسم علمي وبتحصل في اوروبا – بالاختيار طبعا-- كوسيله لعلاج المرأة المصابة بالبرود الجنسي ، وبجد الاسم كنت عارفه و نسيته – و بقول امرأة يعنى 21 وانت طالع وباختيارها – لأنه بيكشف عن جزء بيكون مخفي من البظر وبيظهر حجمه أكبر – وطبعا معروف ان البظر له علاقة مباشرة بالرغبة الجنسية لدى الأنثى–، انما ارجع اقول بتتعمل للمرأة الناضجة، باختيارها كنوع من العلاج)))