دايما بلهي نفسي و اتعايش عادي مع الوضع بتاعي ، بس برضو بتيجي لحظلت كتيرة بتسائل فيها " و ماذا بعد ؟؟؟" يعني هفضل لامتي كدة ؟ مشاكلي الدينية و الاجتماعية و نظرتي لميولي مبتتحسنش خالص لانه مفيش حل اشتغل عشان اوصله اساسا ، الامر و ما فيه اني بحاول ادفن جزء كبير مني ، الامر الغريب ان المغايرين جنسيا و غير المنتمين لمجتمع الميم بالنسبة ليهم الامر منتهي و عادي و مش بيفكروا فيه اساسا بيتجوزوا و يخلفوا و يحبوا و عادي. لكن احنا مجرد مصارحة حد بميولنا بتحمل خطر كبير علينا عمر ما ولد مثلا فضل يفكر سنين وسنين ازاي يقول لاهله انه بينجذب للبنات لانهم اساسا فارضين كدة عنه. و انا بستاء جدا اما الاقي حد بيفرض عني كدة من غير ما يعرفني ميول جنسية معينة متمتش ليا بصلة.
احيانا بقول الجواز مش سئ للدرجة و ممكن اتعايش مع راجل عادي. بس لو حد مش مستريح لجوازة او في شك بنسبة ضئيلة مش بيتجوز عشان خلاص هيلبس لاخر العمر. فما بالي انا اللي متاكدة انا مينفعش اتجوز. و بترعب من فكرة اني يا اذنب ، يا اتكبت و اعيش وحدي .