صباح الخير والفل على اصدقائى واخواتى اولا انا احب اشكر الموقع هنا لانه السبب فى وجودى مع حببتى انا اتعرفت على بنت هنا وحبتها جدا وارتبطنا بقلنا 5 شهور ونص بجد لقيت فيها كل اللى بحلم بيه مع الرغم انها مش الطايب بتاعى ولا انا الطايب بتعها بس لقينا فى بعض اللى بنحلم بيه وقررنا اننا ننسى حكاية الطايب دى علشان الحب مش بالشكل بصراحة.
انا بحبها بطريقة جنونية وهى بتعشقنى جدا بجد مش هلاقى اللى تحبنى بالطريقة دى بس الظروف والحياه واهلها وصحبها مش موافقين اننا مع بعض واهلها بالرغم انهم مش عارفين اننا ليز ديما مدخلين فى كل حاجة بنا وحصل مشاكل كتير بنا بسببهم وعلشان بنحب بعض مش بنقدر نخاصم بعض يوم وبنرجع تانى احسن من الاول وترجع المشاكل تانى واخر مشكلة ممتها مش عايزانا حتى اننا نشوف بعض ولا نتكلم فون على الرغم اننا كنا بنتكلم 24 ساعة وبنشوف بعض كل يوم ناو القرار الاخير لممتها اننا نتكلم مرتين بس المكالمة متعديش 5 دقايق وكمان يوم بعد يوم ومش نشوف بعد لحد لما نخلص الترم ده يعنى موت بالنسبة لينا .
وقالت ليها انا هعمل كدا لحد م اخلى روما تزهق وتسيبك انا مضايقة اوى وحببتى ديما منهارة بسبب الموضوع ده انا بجد قلتلها فكك من كل ده انا هكلمك وقت منحب وهشوفك كل شوية انا ديما جمبك ومش هسيبك وهى تقولى هظلمك معايا بصراحة انا مش عارفة اعمل ايه مع اهلها ونفسى اشوف الضحكة ديما فى وجه حببتى مش عارفة اعمل ايه بجد نعند مع اهلها ولا نتكلم ونتقابل من وراهم ولا نسيب بعض علشان المشاكل بس احنا روح واحدة فى جسدين وانا لو سبتها بجد هموت بجد الموضوع ده خنقنى جدا علشان حببتى كل شوية تعيط بسبب ممتها وحوراتها معانا وليه انا الذات مش عايزاها معايا بقول يمكن مثلا علشان انا مسلمة وحببتى مسيحية بالرغم انا اللى بقول ليها تصلى وتروح الكنيسة وتقرب من الناس بس ممتها تقولها روما وخداكى من الناس كلها وانا والله ابدا تفتكرو لو سبتها الحوارات بتاعت ممتها خلاص هتزول وتبقى حببتى كويسة بس لو سبت حببتى بجد ممكن نموت بجد بجد مش عارفة اعمل ايه انا مقدرش اعيش بدونها سورى طولت عليكو
