دائرة الدعم

صحة
شخصي
#1

أنا حبيت أطرح موضوع مش عيب اننا نتكلم فيه.
الموضوع دا لا يدل على ضعفنا.
الموضوع دا مش عيب اننا نعترف بيه.

كنت عايزة أتكلم عن السلوك السلبي إتجاه أنفسنا اللي ممكن يؤدي إلى أذية جسدية أو Self-harm

ممكن نحكي عن تجاربنا الشخصية مع الموضوع دا ،و ممكن نكون بنعمله أو عملناه ليه.
بغض النظر إننا على الموقع عائلة و المفروض نساعد بعض لأنه دا المخرج ربما الوحيد لبعضنا،كمان إحنا بنتكلم من خلال شخصيات أفتار.محدش هيحكم على حد أو يحسسه أنه أقل.
ولو في أي رد مرفوض بلغو عنه و أحد المنظمين و المشرفين هيحذف التعليق.

دائرة الدعم دا شيء هننطلق بيه من هنا كمبادرة على الموقع إلى أن -في يوم ما-تصبح دائرة دعم على أرض الواقع.

بحبكم جدا

#2

عمرى ما فهمت فكرة الـ self-harm بوجه عام, يعنى أيه الى البنى آدم بيحققه لما بيأذى نفسه؟ الغرض من الفعل بالظبط أيه؟ هل فى راحة مثلاً؟ طيب راحة أزاى و الواحد بيتألم جراء الإيذاء الجسدى الى سببه لنفسه…
مش بنتقض التصرف لكن بس نفسى أفهمه أكتر…

و عموماً معاكى لو فى أى رد خارج ولا تريقة هيتم حذفه .

#3

الواحد يقدر يتحمل الالم الجسدي… الالم النفسي مدمر…انا… كنت ببقي عايز احس اني لسه بني ادم…بشعر… جيت في فتره مكنتش بحس باي حاجه… الاحساس بالم الحرق كان مريح… بعد كده معدتش بعرف انام غير بيه…جاتلي فتره مكنتش بنام في اليوم ساعتين…فكان بيرحني… بعد فتره… بدات ازيد …حاليا بدا يفقد تاثيره نهائيا…مش عارف اعمل ايه.معدتش بعرف انام

#4

xanax ؟ :grin:

#5

الموضوع عارف ان محدش بيقبله… واتقالي قبل كده اني غير متزن عقليا عشان بعمله… واتقالي انى مجرد بسعى للفت الانتباه وكده… انا مش مبسوط من اللى بعمله… بس الالم النفسي مدمر اكتر… حبس اللم جواك بيقتلك… انه يطلع بره بيريح… عامة انا ما بأذيش حد… الموضوع مش باسطنى ومهوش استمتاع بالالم …انا مش مازوخى… لبديل ليه انى ببقي غير مدرك بالحياه حواليا…بتحرك وامشي لكن غير مستوعب… مش فخور باللى انا فيه…بعدين عادى… مين حوالي مهتم اساساً

#6

بعد اذن الادمن شيلي تعليقاتىمن على البوست هنا…اكون مشكور

#7

الموضوع ما بيعبكش أويعيب أي شخص فيه يا هيما…
أنا صديقتي كانت كدا،الموضوع أعمق بكتير من الأذية الجسدية المباشرة.
و أنا عارفة انك ما بتأذيش حد.و إن الموضوع رغم عنك.
و مفيش حد منننا دائرة معارفه أو أصدقاءه تخلو من مشكلة زي دي.
لأننا و ببساطة كلنا بنمر بمشاكل و مشاعر تقتلنا و توجع قلبنا و تخلينا نحس كدا.

#8

يا هيما, أنا ممكن أشيل أى بوست أنت عايزه بس يا هيما الى أنت مش واخد بالك منه أن أكيد كلامك مع حد غير نفسك صدقنى بيريحك حتى لو أنت مخدتش بالك دلوقتى, بص, محدش يعرف حد هنا, هتخسر أيه لما تفضفض ؟ مش ممكن تستريح؟ و ممكن بردو حد يقدر يساعدك بخبرة أو تجربة, عموماً شوف كدا و لو لسه عايز الرد يتمسح همسحهولك :smile:

#9

اسف يا حماه على انفعالي المبالغ فيه

#10

جماعة*

#11

عادى يا هيما ولا يهمك :smile:

#12

الحكايه ببساطة … الم داخلي مدمر … بتغطي عليه او بتطلعيه برا بالم جسدي تستطيع تحمله … قررت اتكلم بصراحه اكتر عن تجربتى… و بعيد اسفي بخصوص دراما امبارح… الموضوع بدا بتطفية اعواد كبريت مشتعله فى دراعي… و تطور الى ان اصبح اطفاء سكين متخن لدرجة الاحمرار فى اى جزء من دراعى او رجلي… اه بيريح… بيخلينى اعرف انام و امارس حياتى بطبيعيه … و بنسي اى الم نفسي …كان فى الاول كده…اول مره اعدت عليها شهور كويس… بس مفعول الموضوع ده بيقل .و بضطر تزيد عشان توصل لنفس النتيجة… قريت عن الموضوع ده كتير… و ببساطة مش عارف اوقفه لانه حتى و ان قل مفعوله…مع زيادة عدد المرات بتوصل للراحه المطلوبه… بس … ديه حكايتي… انا بحرق مش بقطع self-burning not self-cutting عشان مش عايز منظر الدم …

#13

المشكله فى الالم النفسي وليس الجسدى

#14

ياعالم انتو مكبرين الموضوع اوى واعلم ان الالم النفسي اعمق من الم الجرح ولكن لازم نعيش حياتنا وننهل من الدنيا
على قدر استطاعتنا من له حبيب فليحافظ عليه ومن ليس له حبيب فيبحث عن حبيب يقدر مشاعره واحاسيسه
ونملأ دنيتنا بهجة وسرور

#15

ياعالم انتو مكبرين الموضوع اوى واعلم ان الالم النفسي اعمق من الم الجرح ولكن لازم نعيش حياتنا وننهل من الدنيا
على قدر استطاعتنا من له حبيب فليحافظ عليه ومن ليس له حبيب فيبحث عن حبيب يقدر مشاعره واحاسيسه
ونملأ دنيتنا بهجة وسرور

#16

تكبير للموضوع ازاى يا مرمر؟

#17

يعنى نخرج من دائرة الاكتئاب والاحباط ونعيش حياتنا وان كان هجرك الحبيب يبقي ما يستهلكش وقلبك مليان حب
ليه تدغط عليه

#18

هو مش اختيار يا مرمر…عمر الاكتئاب ما كان اختيار

#19

لكن يا هيما مش لازم نستسلم قاوم على قدر المستطاع لتنعم بحياتك

#20

أنا كان عندي إكتئاب يا مرمر من فتره بسيطة و أقدر أقولك انه مش اختيار أبدا و انك بتحاولي تخرجي ما بتعرفيش،إلى أن يجي حد و ينكشك و يخرجك برا المود اللي انتي فيه.وبما اني كان عندي ضائقة مادية الفتره اللي فاتت فا مكنتش عارفة أفكر أروح فين ولا أخرج ازاي.
ظروف الإكتئاب أحيانا مش بتكون في صالحك.لكن اللي ممكن أقدر أقول انه خرجني من الإكتئاب اللي كان عندي و اللي كان مصاحبه فقدان حاد في الشهية و نوم متواصل هوا اني كلمت ناس و حكيتلهم عن مشاعري.
دي خبرتي الشخصية