النهاردة وبالتحديد بالتقييم الجوليانى 7 يناير،وبالسوريانى 7 كانون تانى
المهم انه عيد لنا …للى بيحب الصليب،واللى قلبه معلق بمسجد
نفسى قبل ماأرحل من الحياة أن أرى مصر وقد عادت لها البسمة…ونمشى نص الليل فى شوارع القاهرة بأمان زى زمان
هل هى أمنيه صعبة المنال؟؟
يوم 7 كانون تانى ياريت ألاقى أصدقائى المسلمين بيخبطوا على الباب وبيقولوا…يااااه إنت لسه عايش ياجورجى؟؟؟
آه عايش وأطلب من الرب ألا أموت إلا وفتاوى الهبل قد راحت من أفواه المجانين،وطار أثرها من عقول السامعين
يعنى يامسلم أنا بنى آدم زيى زيك…ماليش قرون أو ديل…صدقنى لما تقرب منى هتحبنى لأنى باحب الفكاهة وباعشق المرح رغم أن سنى قد عدا المائة سنة وعليهم كمان خمسة بقشيش؟؟عاوز حاجة بعد كدة؟؟لو عزت حاجة تبقى طماع…لكن أوعدك لازم أعمل جهدى علشان أرضيك حتى لو كنت غريب عنى ومش عارف أراضيك
يله إقفل الكومبيوتر وروح نام…تصبح على الحديدة…قول يارب
آآه نسيت الواد كمبورة طلبته فى الموبايل بتاعى العجران…ماردش عليه
اللى يعرف نمرته يتصل بيه ويقوله عمك وتاج راسك جورج بيقولك ياندل كل سنة وانت طيب
النهارده كام منه؟؟
Rgaa
#1
mrmr
#2
يا حلاوة روحك الحلوة يا جورجى وكلامك اللي بينقط عسل وكل سنة ونت طيب وربنا يديك الصحة وطولة العمر
والرب راعيك