عضيت على لسانى حسيت قلت لأ مابدهاش لازم أنزل من هنا الظاهر كتر المذاكرة أثر على أعصابى…لكن مين مهما حصل لازم أكمل لآخر المشوار وآخد الشهادو…ألإبتدائية مختومة من إلإدارة التعليمية لغرب الجيزة وماحدش أحسن من حد…هوه يعنى الواد بلية أحسن منى؟؟سمكرى عربيات ومعاه ألإبتدائية …إيه نهبه معاه ألأبتدائية وبيشتغل …مش معاه دكتوراه من جامعة إن.إخ.تفو ومش لاقى شغل…يعنى لو الناس العواطلية اللى ماليين الشوارع وبيزعقوا وبيقولوا…الله يرحكط ياعبد الناصر لو كنت عايش مكناش بقينا ولاية والعشرة مننا بتعريفه ممسوحة كدة؟؟؟يعنى ياإبن الجزمة وأبوك إبن القديمة لو كنت رحت صنايع ولا تجارة مش كان شخصك الكريم بيشتغل واقف على مخرطة،أو بيشتغل فى العاشر أو فى سته أكتوبر وبتلعب بالفلوس لعب؟؟
المهم نزلت وقادتنى قدماى إلى المكان الذى رآنى فيه الرجل ألأبيض…وكأننا كنا على موعد فرأيته يجلس على عازق…أو غرزة فى أطراف المكان الذى نلتقى فيه…وخيانى وحييته…وطلبت منه أن أقول له أو أناديه بأبونا…ففاجأنى برد غريب لم أفهمه
طيب يابنى أنت لم تأت بجديد…أنا فعلآ أبوك
نعم ياخويا…هى الولية أمى كانت بتلعب بديلها من وراك يابا؟؟أنا إبن مين…أنا…أنا…وأفقت لأجد نفسى أصرخ وأقول أنا ابن مين؟؟
تقولشى المرحوم عبد الحليم فى فيلم الخطايا؟؟ولا فاخر فاخر مع المرحوم يوسف وهبى؟؟
هكنى فى كتفى هزة قوية…وكانت يده كبيرة تقولش ايد أبو الهول ياجدع؟؟
أنا يابنى أبوك وأبو أبوك…,ابو اللى خلفوك…
مش فاهم يعنى إيه إنت هاتجننى ياراجل إنت؟؟
راجل إنت؟؟إحترم نفسك ياولد…وشوف إنت بتكلم مين؟؟إنت يافسل تقولى ياراجل إنت؟؟ياللى عندك اتنين وسبعين سنة تكلمنى أنا ياللى عندى أكتر من مليون سنة…
نعم نعم ياخويا
برضة هتسوق قلة ألأدب وتتلفظ بألفاظ أولاد حارة برق…أو حارة الفتح إللى جنب مستشفى الجيزة للرمد؟؟؟؟ّّ
المفاجأه أنه الظاهر كان ساكن فى حوارى الجيزة قبل ماتبقى مولات،وسوبرماركتات/ومعارض سيارات
أنا أبوك آدم ياكلب…إحترم نفسك وإعملى تعظيم سلام هوه علشان رضيت أتكلم وياك تقوم تاخد عليه بالشكل ده؟؟
آدم…يالطيف اللطف يارب؟؟وكدت أن أقول ياترى إنت فين يامرزوق على رأى رفيعة الشال لما مرزوق خرج ولم يعد وبلغ فرار وراح لشيخ الجزيرة
عنئذنط لازم أروح الجزيرة أزور صاحبى الواد العايق كمبورة وأقوله شخصيآ كل سنة وانت زى ماانت ياصاصنايع ياللى بختى وبختك ضايع