الموضوع ده كان مقترح من ranah على اهواء بالانجليزية
ده رابط الموضوع
https://en.ahwaa.org/topics/360
الفكرة ببساطة نعمل رمز لينا نقدر نعرف بيه بعض، الافكار كانت كتيره و الموضوع شكله قديم شويه
كل واحد حر يعمل اللى هو عايزه
انا بس جاتلى فكرة كمصريين
مفتاح الحياة-عنخ
رمز مصري فرعونى اصيل، نعمله بالوان الطيف-رمزنا العالمى
و يبقي شئ يمثلنا
انا عملت تصميم كده ، و نشرته على تمبلر عندى
ده الرابط
http://my-chaosity.tumblr.com/post/69615451988/egyptian-lgbtq-sign
ممكن يتطيع ، يتعمل جراب موبيل، لو حد بتاع اكسسوارات ينفع يشتغله و يتعلق كسلسله او يتعلق فى حظاظة ايد او حتى كميداليه
طبعا التصميم ممكن يتعدل بسهولة
انا قلت اخد خطوة بس و اشوف رايكم
اللى عايز يعرف حاجه عن مفتاح الحياة و معناه
الرابط اهه …بس انجليزى …اكيد في منه عربي http://en.wikipedia.org/wiki/Ankh
LGBT signs for Egyptians علامة لينا كمصريين
الفكرة طبعًا جميلة ومرهفة، لكن نضمن منين انها متتحولش لشىء يتم مطاردتنا والتعرف علينا عن طريقه!!
وهو بشكل اخر… يعنى لو اخدناها كصراع اثبات وجود فى المجتمع… لازم يبقي لينا رمز نتحد وراه…مش بتكلم على ده …بتكلم بشكل عام…لو عايزين نثبت وجودنا و حقنا… لازم نكافح شوية… فيها مخاطرة اه…بس طول ما خايفين و بنتدارى … مش هنحقق حاجه…ولا ايه رأيكم؟
الإحساس والعاطفة مش محتاجين علامة الواحد يمشي بيها وسط الناس. العاطفة كيمياء تجذب فقط من يستطيع الشعور بها…كن انت وعاطفتك هي اللي هتريحك، وهتعرفك على اللي يحبك
الناس عارفة ان في مثليين بيعيشوا وسطهم، لكن مش متقبلينهم… وجزء كبير من ده بسبب أزمة أن عظم مجامعات الشرق الأوسط لا تتقبل أي أخر… سواء كلن جنسي أو ديني أو عرقي
وان احنا نتدارى ده مش هيخليهم يقبلونا او ينسونا … مواجهة المشكله و العمل على حلها احسن بكتير من اننا نخبيها او نخليها فى السر
فكرة جميلة وربنا كنت بفكر اجيب مفتاح الحياه بس مش ملون الوان الطيف مكنتش حلاقي اصلا يعني, جريئة كمان, بس هو انا يعني متوقعة انو ممكن مش يحصل حاجة يعني اصلا ومحدش ياخد بالو من حاجة في اي حاجة يعني لوكان الموضوع علي مستوي شخصي يعني زي اوردر كدا يعني انا عارفة بشتريها ليه, يعني اكسيسوري كيوت بيعبر عن فكرتي, بس لو انتشرت هي الي ممكن تبقي غريبة يعني اصلا ممكن تلاقي حد لابسها عشان موضة كدا وخلاص مع وجود عدد غير معلوم لسة من الناس السطحيين في مجتمعنا الحبوب يعني ناس شايفة الموضوع موضة ستايل كدا وخلاص, كمان ممكن تلاقي حد عامل نفسو فاهم, وهو اوهي الي اكتشف الفساد الي بينبت في المجتمع الي هو احنا يعني علي اساس انو احنا اتوجدنا كدا فجئة كائنات فضائية احنا يعني, اعتقد انوالموضوع مش يزعل حد غير المتطفلين ومااكثرهم اليومين دولت
معلش لو كان كلامي هيدايق اي حد
لكن اختلاف الرأي لايفسد للود قضيه
و أدينا بندردش مع بعض في حدود المنطق والذوق
وبنهايه انا مجرد عابر سبيل
*
المهم:لفت انتباهي من كل الموضوع
هذا تعليق:الفكرة طبعًا جميلة ومرهفة، لكن نضمن منين
انها متتحولش لشىء(يتم مطاردتنا)والتعرف علينا عن طريقه…
*
وسؤالي للي كتب التعليق
هل من المعقول انه في ناس ممكن تطاردكم وتتسبب في آذى ليكم…؟!!
*
ومعلش في الكلمه:انا من الناس-الذين لا يؤيدون فكرة المثليه
لكن بالمقابل في قاعده بتقول في(حريه شخصيه)لكل انسان
ومن حق كل انسان يعيش حياته زي ما هو عايز
*
وصدقاً أخي العزيز
انا تأثرت لما قرآت تعليقك وانتبهت لكلمة(يتم مطاردتنا)
يعني مكنتش اتخيل ان حياتكم الخاصه
ممكن تواجهكم فيها مشاكل وصعوبات لدرجة دي
*
ورغم أني مش معاكم ولا تضدكم
لكن أيقن واقدر تماماً ان لكل انسان مشاعره الخاصه
ومن حقه أن يجسدها كما يريد
*
وبنسبه ليه أنا اشتركت في موقع اهواء لسبب واحد بس
أني عايز افهم اعماق الناس المثليين لآنه تقريباً
كل فتره بصادفني في عالم الواقع (شخص مثلي)
وبحاول التقرب مني…!!!
وطبعاً لآني ما بحبش اجرح حد
فا بحاول احتويه وافهمه في نفس الوقت اني طبيعي
وصعب أعمل علاقه غير مع بنت
*
المهم اختصاراً للكلام اتمنى من(شخص مثلي)
يبعتلي رساله على الخاص يوضحلي فيها
الاسباب اللي ممكن تخلي(شخص مثلي)ينجذب تجاهي
رغم أني ملامحي ظاهر فيها الكبرياء والقسوه…
اعملكم انا الموضوع دا واسترزق منه…واهو نتعرف على بعض عملى وتعرفوا اصحابكم…واهى بردو لقيت وظيفه لاخوكم
اعملكم انا الموضوع دا واسترزق منه…واهو نتعرف على بعض عملى وتعرفوا اصحابكم…واهى بردو لقيت وظيفه لاخوكم