الموت علينا حق(5)

أدب
شخصي

#1

وياريت ماخرجت من هذا المكان ال1ى لو عرفه الناس بحلاوته وطلاوته لتزاحموا حوله ولانكبوا عليه كما لو كان فرن للخبز يباع منه الرغيف بخمسة قروش؟؟وهل القرش مازال حيآ يرزق؟؟أشك ولكن الحكومة الرشيدة راسها وألف جزمة قديمة ألا تتنازل عن دعم رغيف الخبز…لمن هذا الدعم؟؟للفراخ…والماعز…والبط …وقلة من الناس تستثار لديها مراكز شهوة الطعام فتقبل عليه وهى تسد أنفها وتغمض عينها وتفتح بقها…وبس
ذهبت مهرولآ بعد أن خرجت من بيتى مسرعآ حتى أذهب من النار إلى جنة الخلد حيث يرقد ضديقى نورهان،وعندما هممت بأن أطرق الباب وجدته مفتوحآ كأن صاحب القبر كان يعلم مقدمآ أن أحد أفراد الحياة الملعونة سيجئ ؟؟

هيه إيه الحكاية أنا عند دخولى عالم ألأموات أجد أشياء لاأجد لها تفسيرآ؟؟
يلزمنى جرعة شجاعة لأسأل وياقاتل يامقتول!!

حضرتك بتقول إيه؟؟ياقاتل يامقتول؟؟من مين إنشاء الله؟؟من ألأموات الذين يرقدون على ظهورهم يتأملون ؟؟لكننا لاندرك فى أى شئ يتأملون؟؟أيخرجون لنا كمآ من التنطسر…أم ينتجون لنا نظرية لخدمة العالم الكئيب البائس الذى يتطاحن بلا سبب،ويتقاتل لأنه سنى وشيعى،وبروتوستانتى وكاتوليك؟؟شفت الخيبة!!
قلت له :يانور…طبعآ هو أستاذ فى الصمت…فين وفين لو أجاب على سؤال،ويتم ذلك فى ألأغلب ألأعم عن طريق رفع الحاجب ألأيمن لو كانت ألإجابة موافقة،وألأيسر لو كانت بطبيعة الحال ضد ألأولى يعنى عدم موافقة،أما عجم رفع الأيمن أو ألأيسر فقصده أن يقول…إتنيل على عينك وماتتكلمش كتير واحترم المكان أللى أنت فيه…مش كفاية وافقنا على دخولك عالم ألأموات؟؟رضينا بالهم والهم مو راضى بينا…ده مين إللى بيقول؟؟ده الميت نورهان…ياما رخصت يابنى آدم…ميت بيهزأك وبيتمنظر عليك…لله ألأمر
قلت له:

انت بتعمل إيه علشان الشعاع ده اللى ألمحه على الحائط أمامك ولا أدرى ماهو وماطبيعته؟؟أهو شعاع ليزر مثل الشعاع الذى أصبح مألوفآ فى الميادين حال المظاهرات والإعتصامات…يعنى الشئ لزوم الشئ؟؟
بكل ألاطة يجيبنى إبن اللذين…ويقول:يابنى آدم…يامن تعيش فى العفن وأقذر بقاع الدنيا …يامن لاتعرفون شئ إسمه النظافة بل أصبحتم تتنفسون قمامة وبعضكم وإن أصبح يمثل نسبة لها وزنها فى حياتكم يدعبس فى تلك الزبالة ليجد لقمة يسد بها جوعه!!
قلت له إنت مازلت ذو اللسان الذى كنت أشبهه بالمبرد…إنت بتشتمنى وأنا فى بيتك؟؟
يصمت صمت القبور ويجيبنى:
هذا الشعاع هو نتيجة أبحاث قام بها فريق عمل من ألأساتذة ألأموات بقصد إيجاد وسيلى إتصال بيننا نحن من تطلقون عليهم أموات ربنا…!!
قلت له مش فاهم…يعنى إيه تتصلوا عن طريق شعاع؟؟
يا…ولم يكمل ويبدو أن الموت قد هذبه بعض الشئ …عندما يطلق أحدنا -وكل منا لدينه جهاز عهده من حكومة ألأموات بحيث أننا حين نفيق من الموت نسلمه للحكومة …وهو يستخدم فى ألأتصال بيننا فلو كنت أريد أن أتصل بالبنت ألأمريكية التى كنت أعمل معها شــــــــات…أتصل …ولوكنت أريد أن أرى بيل كلينتون وهوه طايح فى ستات البيت ألأبيض أشوفه…وياريتنى ماأشوفه لأنه راجل هلاس وعينه فارغة…عندة مرة(إمرأة) زى العسل ورايح يدلع مع البنات…ويعملوا تحاليل…ويشوفوا هل ده من آثار لعب السيد بيل؟؟
ماعلينا هذا الشعاع كما قلت يستطيع أن يوصلنا ببعض للتخاطب الصامت فى أمر من أمور ألأموات…وأمس فقط كنا نتباحث على مستوى عالم ألأموات عن طريق هذا الشعاع…وخلى بالك أنه يمتلك خاصية ألأوديو-فيديو يعنى بالبلدى مثل النت عندكم…لكنه بدون فاتورة،وبدون أن تتجسس عليك ماما أمريكا وتعرف إذا كنت بتلعب بديلك ومن ورا إمراتك ولا لأ؟؟

ياااااه كل ده نتيجة البحث العلمى الذى تنفقوا عليه أكثر مننا بحوالى 100 مرة؟؟
تسمحلى آخد تعسيلة وأنام بجانبك يله أهى نومة جنب واحد ميت …وأهى علقة تفوت ولا حد …يموت
يقول بصوت حزين…وياريته ماقال…أنا مضطر أتكلم وأرد عليك لأنى زهقت منك ومن قلة أدبك…مش كفاية هتنام جنب ميت …لا يقترف خطية،ولا يلعب بديلة من وراء مرته،ولا بيهلب من فلوس الميتين…
ولم أسمع ما يقوله حضرة المحترم الباشميت…لأنه فى حياتنا كان باشمهندس ولاأعرف أمازال يحمل اللقب أم لا.؟؟أظن أن فى عالم ألأموات الكل سواسية ولا فضل لميت على آخر إلا بالأدب والهدوء


#2

عاجبني طريقة السرد الفكاهية الجميلة،أنا قعدت أتصور الحكاية زي الكوميكس مثلا،صور مرسومة وتحتهيا كلام …ميت مليون تحية وسلام يا حبيبي جورج،بتبسطني بكلامك وحوداديتك جدا ومساء العسل عليك :smile:


#3

العزيزة بال كوكابو
ولو أنى للآن لم أستطع فهم،أو تفسير،أو إدرك،أو إستيعاب معنى بولكوكابو لكن فيه تقابل روحى لاأستطيع أن أنكره وهو مايدعونى أن أكاشفك بالغرض وراء تلك الخيالات التى أغرق نفسى فيها.
لو قفلنا على نفسنا ولم ننظر إلا لما هو واقع بيننا…لعلا ضغطنا،ولتلونت النظارة البيضاء التى نقف وراءها إلى اللون ألأسود،طيب ماتيجى نتخيل ماذا لو حدث كذا؟؟سننفجر من داخلنا ونضحك…وهذه الضحكة ولو نزل عليها التخفيض وأصبحت مجرد إبتسامة…فهذا يكفى وينقلنا من موود إلى موود آخر…حاولى أن تغيرى حياتك فليس من المعقول أن نبكى على اللبن المسكوب…كما يفعل أغلبنا ونندب حظنا…ونقول إحنا إتخلقنا ليه؟؟
سلام ونعمة يا بال ك و ك ا ب و
آه قبل ما نسى لازم أرد التحية وأقولك مساء الهنا ومساء الحب ومساء السعادة على عيونك ياقمر


#4

ليك مليون حق!
أنا لما كنت راكبة المترو النهاردة كنت شايفة الناس هتنتحر من كتر الاكتئاب،الناس ما بقتش تضحك…كل عيونها هموم و أسى .
ما شفتش المصريين كدا في حياتي ولا تخيلت اننا ممكن نوصل للمرحلة دي من الإكتئاب و الحزن.
زي ما قلت،احنا محتاجين نغمض عنينا و نضحك…


#5

بعد قرائتي لكل الاجزاء, هااايل اسلوبك في الكتابة جميل اوي مع طابع الفكاهة المفتقد تقريبا في حياتنا بتناقش موضوعات كويسة كمان فيها لمسة كلاسيكية, اعتقد انو عالم الاموات لفضل في بعض الاحيان فعلا ^^:kissing_heart:, ميرسي لكتابتك, keep it up


#6

amm i meant ^^;* cough cough, embarrassing miss o.o


#7

ماما لالولا العزيزة
أنا متشكر جدآ لحضرتك أنك أجهدتى نفسك وتجشمتى مشقة القراءة لعبث *عبث وعلى فكرة أنا لى مدونة عجرانة مسميها كلام فارغ *كلام فارغ…بالذمة حد يسمى مدونة عايز الناس تقراها إنها كلام فارغ *كلام فارغ؟؟؟
السخرية خير دواء لأن نهرب من الواقع ألأليم وإلا سنلجأ لما يذهب العقل ويفلس الجيوب…سعدت بلقائك وأرجو التواصل على موقعنا الجميل…وعلى فكرة لو حبيتى تقرئى أى كلام فارغ ممكن تدخلى على الموقع:
www.ayouthmanof100yearsold.blogspot.com
Lord bless you


#8

ميرسي ليك مووت جورج, علي فكرة مكنشي فيه مشقة ولا حاجة انا استمتعت فعلا بالقراءة, فعلا السخرية وسيلة هايلة للهروب من الواقع كمان لتوصيل الفكرة بصورة ممتازة, سعدت انا كمان بلقائك واكيد حقري واتابع مدونتك, اسمها غير تقبيدي وجميل علي فكرة


#9

السرد الفكاهي جميل


#10

جورج غيابك عننا طال وحشتنى ووحشنى كتاباتك الرائعة وارهاصاتك المغذيه للروح وما احلى ارهاصاتك
وقرأتها وبين سطورها التى نفهمها بقلوب منشرحة وعقول متفتحة بعد مساء الحب والامل


#11

الفرد المصري بينول من نفسه بسخريه وهذه السخريه اعتراض على حاله وما يراه من سلبيات من حوله


#12

العزيزة التى فى القلب دائمآ…منار
أنتى شابة ذات قلب شاب…ولكن بك حكمة المسنين،أو العواجيز


#13

تفسيربالكوكابو اولا خدوبالكومن عيالكوثانيا احسن ما تت كابو على بوزكم
ومتلاقيش حد يسمى عليكم